சிறார் நலம் - கலீல் ஜிப்ரானின் கவிதை நூலிலிருந்து...உரையாடல் - 1 / பகுதி - 5

 கலீல் ஜிப்ரானின் கவிதை நூலிலிருந்து..

கன்னி மரியாளின் கர்ப்பப்பையில் பிறந்ததாலேயே இயேசு கிறிஸ்துவின் மீது கன்னி மரியாள் எந்தவிதமான ஆளுமையும் செய்ய முடியாது என்பதற்கான வரலாற்று சாட்சி இயேசுவின் வாழ்க்கை. எதுவும் தெரியாத மிக கிராமத்திய அறிவியல் வளர்ச்சி இல்லாத  பின்னணியில் பிறந்த  கன்னி மரியாள் ஒரு உயிரை, ஒரு உடலை தன் கர்ப்பப்பையில் குடியிருப்பதற்கு வாய்ப்பு அளிக்கிறாள்.  அந்த உடலும் உயிரும் அந்த கர்ப்பப்பையில் குடி இருக்கிறது; வளர்கிறது; வெளி வருகிறது. அந்த உடலை கர்ப்பப்பையில் வளர்த்துக் கொண்ட அந்த உடல், அந்த உயிர் தன் ஆன்ம ஒளியால் இந்த உலகின் வரலாற்றை இரண்டாகப் பிரிக்கிறது கிறிஸ்து பிறப்பதற்கு முன், கிறிஸ்து பிறப்பதற்கு பின் என்று.

இந்த உலக வரலாற்றின் பெரும் பகுதியை தன் பிறப்பிற்கு முன் தன் பிறப்பிற்கு பின்  என்று சொல்லும் அளவிற்கு பிரித்துப் பார்க்கிற, பிரிக்க வைக்கிற ஒரு பேரொளி இயேசு கிறிஸ்துவின் பேரொளி. இயேசு கிறிஸ்துவின் வருகையை வைத்தே இந்த உலகம் பிரிக்கப்படுகிறது.  இயேசு கிறிஸ்துவிற்கு முன்பு இயேசு கிறிஸ்துவிற்கு பின்பு என்று பிரிக்கும் வல்லமையை பெற்ற ஒரு தாயின் கருவறை மிக எளிமையானது. அந்தக் கருவறையில் வளர்ந்ததற்காக வேண்டுமென்றே இயேசு கிறிஸ்துவை அந்த கருவறையை வைத்திருந்தவள் கொண்டாட முடியாது என்கிற பேருண்மையை கலீல் ஜிப்ரான் உடைக்கிறார். வெளிப்படுத்துகிறார்.

 நீ ஒரு வேளை அவர்களின் உடலுக்கு வீடாகலாம். கன்னி மரியாளாக இருந்து இயேசு கிறிஸ்துவிற்கு வீடாகலாம். ஆனாலும் கூட கன்னி மரியாளால் இயேசு கிறிஸ்துவின் உள் ஒளியை ஒன்றும் செய்ய முடியாது என்கிற பேருண்மையை நீ ஒருவேளை அவர்களின் உடலுக்கு வீடாகலாம். அது அவர்களின் உள் ஒளிக்கு பொருந்தாது என்று பேருண்மையை மறை ஞானி கூறுகிறார். அவர்களின் உள் ஒளி குடியிருப்பது நாளைக்கான வீட்டில்.  நாளைக்கான வீடு என்பது இயேசு கிறிஸ்து சொல்கிற பரலோக ராஜ்ஜியம்.  புத்தரின் நிர்வாண நிலை. பரலோக ராஜ்ஜியம், நிர்வான நிலை என்கிற ஒரு பெரும் பேரான நிலத்தை கவிஞர் குறிப்பிடுகிறார். மறை ஞானி குறிப்பிடுகிறார்.

சிறார் நலம் - கலீல் ஜிப்ரான் கவிதை நூலிலிருந்து… உரையாடல் 2 /பகுதி -2

 

                                        சிறார் நலம்

முந்திய நிமிடம்வரை தான் விளையாடுவதற்கு தடை சொன்ன, தன்னைப் பற்றி கடுமையான அவதூறான விமர்சனங்கள் செய்த தன்னை அடிக்க கை ஓங்கிய தன்மீது வார்த்தைகளால் வசைகளால் பொழிந்து தள்ளிய  ஒரு மனிஷியை தான் விளையாடுகிற போது தன் ஆனந்தத்தை ஆராதிக்கிற போது தன்னோடு இணைத்துக் கொள்ள வேண்டும் என்று அந்த குழந்தை விரும்புகிற விருப்பத்தை நாம் மனித சமூகத்தில் மனிதப் பொது மனநிலையில் விரிவாகப் பேசுவதற்கு வாய்ப்பே இல்லை. இந்த உதாரணத்தை பதின்பருவ அல்லது வயது வந்த ஒருவரிடம் பொருத்தி பார்த்தீர்களென்றால் நீங்கள் நான்கு மணிக்கு உங்கள் அலுவலகத்தில் இருந்து புறப்பட வேண்டும் என்று முடிவு செய்கிறீர்கள். 4 மணிக்கு உங்கள் மேல் அதிகாரியிடம் அனுமதி கோருகிறீர்கள். நான்கு மணிக்கு அவர் உங்களை நிற்கச் சொல்கிறார். உங்கள் வேலையின் முக்கியத்துவத்தை விளக்குகிறீர்கள். நிற்கச் சொல்கிறார். மீண்டும் உங்கள் உரையாடல் கனமாகிறது.  வழக்கமான உங்கள் பணி நேரம் 5 மணி என்ற நிலையில் இருந்து ஒரு மணி நேரம் முன்னதாக அனுமதி கேட்கிறபோது அவர் மறுக்கிறார். உரையாடல் கனக்கிறது. மீண்டும் மறுக்கிறார். நீங்கள் வேகமாக பேசுகிறீர்கள். உங்களுடைய  பணி நிமித்தமாக இருக்கிற எல்லாவற்றையும் விளக்குகிறீர்கள். எதற்கும் அவர் செவிசாய்க்கவில்லை. மீண்டும் மறுக்கிறார். ஒரு 20 நிமிடம், 25 நிமிடம் கழித்த பின்பு உங்களைச் செல்ல அனுமதிக்கிறார். நீங்கள் செல்கிறபோது நீங்கள் தூக்கி சுமக்கிற பெரும் கவலைக்குரிய மனநிலை 4 மணிக்கு நம்மை அனுப்பவில்லை என்ற கோபம். பின்பு நீங்கள் செல்கிற நிகழ்ச்சியில், நீங்கள் செய்கிற வேலையில், நீங்கள் பங்கேற்கிற நிகழ்வில் உங்கள் உயர் அதிகாரி இருந்தால் இன்னும் சிறப்பாக இருக்கும் என்கிற நேரடியான எதார்த்தம் இருந்தால் கூட நீங்கள் மீண்டும் அழைத்து உங்கள் உயர் அதிகாரியை அந்தப் பணியில் இணைத்துக் கொள்வதற்கான மன நிலையே உங்களுக்கு வராது.

அடுத்தடுத்த காலங்களில் அவர் எதிர் படுகிற காலங்களில் அவரோடு இந்த நான்கு மணி விவகாரத்தை மனதில் நிறுத்திக்கொண்டு எத்தனை காலம் ஒரு நீண்ட இடைவெளியை பராமரிக்க வாய்ப்பு இருக்கிறதோ இந்த நீண்ட இடைவெளியை நீங்களோ உங்கள் உயர் அதிகாரியோ தொடர்ந்து பராமரித்துக் கொண்டே இருப்பீர்கள் என்பது இந்த சமூக நிஜம்.

சிறார் நலம் - கலீல் ஜிப்ரான் கவிதை நூலிலிருந்து… உரையாடல் 2 /பகுதி -1

 

சிறார் நலம்

 குழந்தைகள் குறித்து ஒரு தொடர் உரையாடலில் மாபெரும் தத்துவ கவிஞர் கலீல் ஜிப்ரான் அவர்களின் குழந்தை பற்றிய கவிதையை நாம் உரையாடல் பொருளாக எடுத்துக் கொள்கிறோம்.

கலீல் ஜிப்ரான் போன்றதொரு மகாகவியினுடைய கவிதையை நாம் வாசிப்பதற்கு முன்பு அந்த கவிஞன் தன்னை என்னவாக வைத்திருக்கிறான். நமக்கு என்னவெல்லாம் சொல்லவிருக்கிறான் என்பதை தெரிந்து கொள்வதற்கு சில முன் தயாரிப்புகளை நாம் செய்து கொள்வது நல்லதென்று கருதுவதுண்டு.

ஒரு பொதுவான தகவல் தெரிந்து கொள்வது போல செய்திக் குறிப்பை படித்து கடந்து விடுவது போல ஒரு மகாகவியின் கவிதையை நாம் கடந்து விடுவதாகாது. கடந்து விடுவதற்கும் வாய்ப்பு இல்லை. அப்படி ஒரு எளிய வடிவத்தில் எல்லா எழுத்துக்களையும் கடந்து செல்வது போல ஒரு மகாகவியின் கவிதைகளையும் கடந்து செல்வோம் என்றால் அந்தக் கவிதை முன்வைக்கிற, கவிதைக்குள் இருக்கிற ஒன்றை நாம் தவறவிட்டவராவோம். அந்தவகையில் ஒரு மகாகவியின் கவிதையை நாம் படிப்பதற்கு முன்பு அந்தக் கவிதைக்கு முன் தயாரிப்பாக நாம் ஒன்றை செய்து கொள்வது நல்லதென்று நான் நினைக்கிறேன்.

எல்லா கவிதைகளுக்குள்ளும் இப்படியான முன் தயாரிப்பு அவசியமில்லை என்றாலும் சில கவிதைகளில் உள்ளமைப்பை புரிந்து கொள்வதற்,கு சில கவிஞர்களின் வெளிப்பாட்டை புரிந்து கொள்வதற்கு நாம் ஒரு முன் தயாரிப்போடு செல்வது  பொருத்தமானதாக இருக்கும்.

சிறார் நலம் - கலீல் ஜிப்ரானின் கவிதை நூலிலிருந்து...உரையாடல் - 1 / பகுதி - 4

 

                            கலீல் ஜிப்ரானின் கவிதை நூலிலிருந்து..

மகாவீரர் பற்றிய ஒரு கதை இருக்கிறது. இந்திய சமூகத்தில் மகாவீரர் என்றால் தன்னை வென்றவர் என்று ஒரு பொருள் உண்டு.

ஒருமுறை மகாவீரருக்கு ஒரு பாம்பு தீண்டி விட்டது. பாம்பு தீண்டியவுடன் அவரைச் சுற்றி உள்ளவர்கள் பதற்றம் அடைகிறார்கள். பாம்பு தீண்டி சென்றது. பாம்பு தீண்டிய இடத்தில் இருந்து முழுவதும் பால் வடிகிறது. அவர் உடலில் இருந்து பால் வடிகிறது. இது புனைவா நிஜமா என்பது ஒருபுறம் என்றாலும் மகாவீரர் பற்றி இருக்கிற கதைகளில் இதுவும் ஒன்று. மகாவீரர் உடலிலிருந்து பால் வடிகிறது. பக்தர்களும் அவரது சீடர்களும் பால் வடிவதை பார்க்கிறார்கள். வணங்குகிறார்கள். மகாவீரரும் உடல்முழுவதும் பாலாக இருக்கிறதா என்றால் தர்க்கம் ஆக அது முரண். காரண காரிய அறிவில் இருந்து பார்க்கிறபோது அது வேறுபட்டது. அது சிந்தனைக்கு புலப்படாதது என்றாலும்கூட பால் என்பது அன்பின் குறியீடு. மகாவீரர் முழுநிறைவான அன்பாக இருப்பதால் அவர் உடலில் எங்கு கீறினாலும் பால் வெளிப்படும்.

தாய்மார்களுக்கு மார்பகங்களில் மட்டும் அன்பு நிறைந்து பால் வருகிறது என்று ஒரு அறிவியல் உண்மை இருக்கிறது. ஒரு தாய்க்கு பால் அவளது அன்பின் பெருக்கத்தால் குழந்தையின் மீதான உயிரியல் உளவியல் அக்கறையால் அவள் உடலில் இருக்கிற ரத்தமானது அவளது மார்பில் பாலாக மாறுகிறது என்று விஞ்ஞான உடல் இயங்குமுறை ஒன்று இருக்கிறது.

மகாவீரர் இந்த உலகத்தின் பாற்பட்ட அன்பால் தன் உடல் முழுவதையும் மார்பாக தன் உடலில் இருக்கிற ஒவ்வொரு ரத்தத் துளியையும் பாலாக மாற்றும் வல்லமை கொண்ட பேரன்பிற்கு சொந்தக்காரர் என்பதை விளக்குகிற ஒரு கதை இது.

சிறார் நலம் - கலீல் ஜிப்ரானின் கவிதை நூலிலிருந்து...உரையாடல் - 1 / பகுதி - 3

 சிறார் நலம் - கலீல் ஜிப்ரானின் கவிதை நூலிலிருந்து...

இந்தக் குழந்தைகள் எவ்வாறு இந்த பூமிக்கு வருவார்கள்? அவர்கள் உன் வழியாக வருவார்கள். இந்த குழந்தைகள், இந்த பூக்கள், இந்த பறவைகள் ஏதோ ஒரு காரணத்தின் பொருட்டு காரியமாவதற்கு இந்த பூமிக்கு வருவதற்கு ஒரு கருவி தேவைப்படுகிறது.

ஒரு ரோஜா பூவிற்கு ஒரு தண்டும் செடியும் தேவைப்படுகிறது. ஒரு மல்லிகைப் பூவிற்கு ஒரு கொடி தேவைப்படுகிறது. ஒரு சந்தனத்தின் மணத்திற்கு மரம் தேவைப்படுகிறது. ஒரு குழந்தையின் பிறப்பிற்கு ஒரு தாய் தேவைப்படுகிறாள். வாழ்வின் நோக்கத்திற்காக அந்தத் தாய் கருவியாக செயல்படுகிறாள். வாழ்வின் நோக்கத்திற்காக அந்தத் தண்டு கருவியாக செயல்படுகிறது. வாழ்வின் நோக்கத்திற்காக அந்தக் கொடி கருவியாக செயல்படுகிறது. குழந்தைகள் உங்களை கருவியாக வைத்துக் கொண்டு வாழ்வின் நோக்கத்திற்காக பிறக்கிறார்கள். அவர்களின் வாழ்வின் நோக்கத்திற்கான குழந்தைகள். உன் வழியாக உன் காரணம் பொருட்டு பிறந்த குழந்தைகள். அவை உன் குழந்தைகள் அல்ல என்று கவிதையில் அந்த மறைஞானி கூறுகிறார்.

அவர்கள் உன் வழியாக வந்திருக்கிறார்கள். உன் காரணமாக வந்திருக்கிறார்கள். நீ வருவதற்கு உனக்கு ஒரு காரணம். நீ இன்னொருவருக்கு காரணமாக இருக்கிறாய். இந்த வாழ்வு தொடர்ந்து தன்னை புதுப்பித்துக் கொள்வதற்கு நாம் ஒருவருக்கு காரணமாகவும் நமக்கு ஒருவர் காரணமாகவும் காரணங்கள் மாறிமாறி கருவிகள் மாறிமாறி தொடர்ந்தாலும் கூட வாழ்வு தன் பொருட்டு ஒன்றை நிகழ்த்திக் கொண்டே இருக்கிறது. அதற்காகவே, இந்த காரணங்களும் தொடர்ந்து கொண்டே இருக்கின்றன என்கிற வாழ்வியல் மெய்ப்பொருளிலிருந்து இந்த கவிதை வாசிக்கப்பட வேண்டியிருக்கிறது. வாழ்வு அப்படித்தான் இருக்கிறது.

சிறார் நலம் - கலீல் ஜிப்ரானின் கவிதை நூலிலிருந்து...உரையாடல் - 1 / பகுதி - 2

 சிறார் நலம் - கலீல் ஜிப்ரானின் கவிதை நூலிலிருந்து...

மிக அழகாக கவிதை துவங்குகிறது. அப்போது மறைஞானி சொல்கிறார், உன் குழந்தைகள் உன் குழந்தைகள் அல்ல. உன் குழந்தைகள் உன் குழந்தைகள் அல்ல. வாழ்வு தன் நீட்சியின் பொருட்டு தம் மகன்களையும் மகள்களையும் பெற்றுக்கொள்கிறது அதற்காகவே. வாழ்வு அதற்கென்று தனியே ஒரு நோக்கம் வைத்திருக்கிறது என்பதை நாம் ஏற்றுக்கொள்ளத்தான் வேண்டும்.

வாழ்வு ஒரு மனிதனை வாழ்விப்பதற்கும் ஒரு மனிதனை அனுபவத்தின் பாற்பட்டு வளர்த்தெடுப்பத்ற்கும் ஒரு மனிதனுக்கு ஒன்றை கற்றுக் கொடுப்பதற்கும் மனிதன் அல்லாத எல்லா பிற உயிர்களுக்கும் உயிர் வளர்ப்பதற்கும் உணவுச் சங்கிலி பின்னுவதற்கும் வாழ்வு ஒரு நோக்கம் வைத்திருக்கிறது. வாழ்விற்கு நோக்கம் வைத்திருக்கிறது என்கிற மெய்ப்பொருளை நாம் பார்க்க வேண்டும்.

வாழ்விற்கு ஒரு நோக்கம் இருக்கிறது. அந்த நோக்கத்தின் பாற்பட்டே வாழ்வின் அடர்த்தியான மெய்யான நோக்கத்தின் பாற்பட்டே உலகம் இயங்குகிறது என்று உயர்தத்துவ வரையறைகள் கூறுகின்றன.

சிறார் நலம் - கலீல் ஜிப்ரானின் கவிதை நூலிலிருந்து... உரையாடல் - 1 / பகுதி -1

 

                 சிறார் நலம் - கலீல் ஜிப்ரானின் கவிதை நூலிலிருந்து...

மேலும் தன் மார்பில் குழந்தையை ஏந்திய பெண்ணொருத்தி கேட்டாள், குழந்தை பற்றி எங்களுக்காக பேசுங்கள் என்று. அவர் சொன்னார்,

 உன் குழந்தைகள் உன் குழந்தைகள் அல்ல.

வாழ்வு தன் நீட்சியின் பொருட்டு தன் மகன்களையும் மகள்களையும் பெற்றுக்கொள்கிறது, அதற்காகவே.

வாழ்வு தன் நீட்சியின் பொருட்டு தன் மகன்களையும் மகள்களையும் பெற்றுக்கொள்கிறது, அதற்காகவே.

அவர்கள் உன் வழியாக வந்தாலும் உன்னிடமிருந்து வரவில்லை. மேலும் அவர்கள் உன்னோடு இருக்கிறார்கள், நீ சொந்தம் கொள்ள முடியாமல்.

நீ ஒருவேளை உன் அன்பை தரலாம்.

 நீ ஒருவேளை உன் அன்பை தரலாம்.

ஆனாலும் எண்ணங்களால் அல்ல. எண்ணங்களாக அல்ல.

அவர்கள் அவர்களுக்காக சொந்த எண்ணங்கள் பெற்றிருக்கிறார்கள்.

அவர்கள் அவர்களுக்காக சொந்த எண்ணம் பெற்றிருக்கிறார்கள்.

நீ ஒருவேளை அவர்களின் உடலுக்கு வீடாகலாம். அது அவர்களின் உள்ளொளிக்கு பொருந்தாது.

நீ ஒருவேளை அவர்களின் உடலுக்கு வீடாகலாம். அது அவர்களின் உள்ளொளிக்கு பொருந்தாது.

 அவர்களின் உள்ளொளி குடியிருப்பது நாளைக்கான வீட்டில். அங்கு நீ வருவதற்கு இல்லை. உன் கனவுகளிலும் கூட.

அவர்கள் போல் ஆவதற்கு பாடுபடு. உங்களைப்போல், உன்னைப்போல் அவர்களை மாற்ற ஆர்வம் காட்டாதே.

நேற்றைய தொடர்ச்சியை பற்றிக் கொள்ளாமலும் பின்னால் செல்லாமலும் இருப்பதற்காக வாழ்வு நகர்கிறது.

வாழ்வதற்கான அம்புகளாக உங்கள் குழந்தைகள். அவர்களுக்கான விற்கள் நீங்கள்.

வாழ்வதற்காக அம்புகளாக உங்கள் குழந்தைகள். அவர்களுக்கான விற்கள் நீங்கள்.

விசாலத்தின் மீது வலசையினால்  வில்லாளி இலக்கு குறிக்கிறார்.

பேராற்றல் கொண்டு உங்களை வளைக்கிறார். அது அம்பின் பாய்ச்சலுக்கும் தூரத்திற்கும்.

வில்லாளரின் கைகள் வில்லை வளைப்பது உங்களின் மகிழ்ச்சிக்காக. வில்லாளரின் கைகளில் வில்லை வளைப்பது உங்களின் மகிழ்ச்சிக்காக.

அவன் அம்பை நேசிக்கிறான் பாய்கிறது. மேலும் வில்லையும் நேசிக்கிறான்.நிலைக்கிறது.